Vjen reagimi i policisë lidhur me shpërthimin e një sasie tritoli këtë mbrëmje në një masoneri në zonën e Freskut, në Tiranë.
Sipas njoftimit zyrtar nga policia, ka shpërthyer një sasi e vogël lëndë plasëse në portën e jashtme të një fasonerie në pronësi të shtetasit italian R. B.
Nga shpërthimi është dëmtuar dera e jashtme e hekurit, thyer disa xhama dhe një automjet që ka qenë i parkuar.
Nuk ka persona të dëmtuar.
Tiranë – Informacion paraprak
Më datë 25.05.2023, rreth orës 21:50, në rrugën “Fadil Deliu”, në portën e jashtme të një fasonerie në pronësi të shtetasit italian R. B , dyshohet se ka shpërthyer një sasi e vogël lëndë plasëse.
Si pasojë është dëmtuar dera e jashtme e hekurit, thyer disa xhama dhe një automjet që ka qënë i parkuar. Nuk ka persona të dëmtuar.
Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit/ëve.
Discussion about this post