Ish-i dërguari i Shteteve të Bashkuara të Amerikës për dialogun Kosovë-Serbi Richard Grenell ndau përjetimet e tij në betejën me kancerin, ku tregoi se ende testohet çdo tre muaj.
“Është shumë sfiduese të kalosh këtë rrugëtim të vështirë. Nuk jam as i pari, as i fundit. Ka kaq histori të pathëna të njerëzve që luftojnë vërtetë fort dhe që punojnë vërtetë fort me sëmundjet e tyre, çfarëdolloj sëmundje të jetë. Unë kisha një limfomë të veçantë që shfaqej në qafën time”, tha Grenell në një studio televizive në Tiranë.
“Në fillim po e injoroja dhe më pas kur u shfaq vërtet si kancer ishte jashtë mase agresiv. Ka kaluar 10 vjet. Nuk kam më kancer, por ende për shkak të formës agresive, çdo tre muaj bëj një analizë të plotë të gjakut dhe takoj doktorin tim. Çdo tre muaj duhet të mbijetosh”, tha ish-drejtori i inteligjencës amerikane.
Discussion about this post